ما فيه غيري .. وأنا .. وضيوفي أشباحي !

كلٍ يسولف عليّ بـْ قصّة جروحه

وجراحي ؟! التّيه يثمل قصّة جراحي !

ما تنتسولف .. وهي للناس مفضوحة

ما عاد في غايتي ما يقنع افصاحي !

رغم اختصار المآل .. الحال مشروحة

النار ذي جنتي .. والعشق تفّاحي !

و العيش حوّا .. و حوّا فوق مرجوحة

يا باذر الرّيش .. وعدك يبّس جناحي !

تالي عصافيري مْن الجوع مذبوحة

خذني من الجد جد .. أرجوك ، ومزاحي :

بعض اكسجين لـ صدر من يخنقه بوحه

ما للبحر بـ الزّبَد .. افهم يـَ ملاّحي !

الغالي الصّعب .. ماهو موج و ملوحة

والحين .. يكفي . فضيت ..وداخت اقداحي !

و ألوان صوتي تبي تغفى على لوحة

والباب نـام ، وترك مفتاحي الصّاحي

بـ إيد الشبابيك ، و الأقفال : مفتوحة !!